प्रदेश र स्थानीय तहलाई स्वयंसेविकाको समिति गठन गर्न मन्त्रालयको निर्देशन
२०७९, २३ चैत्र बिहीबार १८:१६ मा प्रकाशित
15
Shares
जनस्वास्थ्य सरोकार, काठमाडौँ । स्वास्थ्य तथा जनसंख्या मन्त्रालयले सबै प्रदेश र स्थानीय तहलाई स्वयंसेविकाको समिति गठन गर्न निर्देशन दिएको छ।
स्वास्थ्य सेवा विभाग नर्सिङ तथा सामाजिक सुरक्षा महाशाखाले एक पत्र जारी गर्दै सम्पूर्ण प्रदेश स्थानीय तहलाई उक्त प्रक्रियामा समन्वय गर्न निर्देशन दिएको हो।
पत्रमा राष्ट्रिय महिला सामुदायिक स्वास्थ्य स्वयंसेविका कार्यक्रम रणनिती २०६७ (पहिलो संशोधन २०७६) को अनुसुचि ४ र ५ ले व्यवस्था गरेबमोजिमको प्रदेशस्तरिय महिला सामुदायिक स्वास्थ्य स्वयंसेविका समिति तथा स्थानीय तहमा महिला सामुदायिक स्वास्थ्य स्वयंसेविका समिति गठन गर्न भनिएको छ।
