नेपाल नर्सिङ परिषद्ले विशेषज्ञ नर्सको नाम दर्ताका लागि परीक्षा लिने
२०७९, २७ चैत्र सोमबार १२:४५ मा प्रकाशित
24
Shares
जनस्वास्थ्य सरोकार, काठमाडौं । नेपाल नर्सिङ परिषद्ले विशेषज्ञ नर्सको नाम दर्ताका लागि परीक्षा लिने भएको छ ।
परिषद्ले सूचना जारी गर्दै २०८० साल असारसम्ममा परीक्षमार्फत नाम दर्ता गर्ने निर्णय गरेको जनाएको छ ।
गएको मंसिर १८ गते बसेको परिषद्को बोर्ड बैठकले परीक्षा लिएर मात्र विशेषज्ञ नर्सको नाम दर्ता गर्ने निर्णय गरेको थियो । सोहीअनुरुप परिषद्ले नाम दर्ताका लागि अनलाइन आवेदन खुला गर्ने र आवेदकहरुको परीक्षा लिएपश्चात् मात्रै लाइसेन्स दिइने सूचनामा उल्लेख छ ।
यसअघि, काउन्सिलले शैक्षिक प्रमाणपत्र तथा योग्यताको प्रमाण पुग्ने कागजातका आधारमा विशेषज्ञ नर्सको नाम दर्ता गर्दै आएको थियो ।
