चिरायु अस्पताल र नेप्लिज फेशन होमबीच सम्झौता
२०७९, २७ चैत्र सोमबार १६:५१ मा प्रकाशित
जनस्वास्थ्य सरोकार, काठमाडौँ । काठमाडौंको वसुन्धरास्थित चिरायु अस्पताल र नेप्लिज फेशन होम (एनएफएच इभेन्टस) बीच स्वास्थ्य उपचार सम्वन्धी सम्झौता भएको छ ।
चिरायु अस्पतालका तर्फबाट निर्देशक सन्जिव राजभण्डारी तथा एनएफएच इभेन्टसका अध्यक्ष हेमा मानन्धरबीच स्वास्थ्य उपचार सम्वन्धी सम्झौतापत्रमा हस्ताक्षर भएको हो ।
सम्झौता अनुसार नेप्लिज फेशन होमको सिफारिसमा चिरायु अस्पतालमा उपचार गर्न आउने बिरामीका लागि विभिन्न शीर्षकमा २५ देखि ५० प्रतिशतसम्म डिस्काउन्टको सुविधा पाउने छन् ।
त्यसैगरि चिरायू अस्पतालले बिरामीका लागि एम्बलेन्स सेवा निशुल्क उपलब्ध गराउने प्रतिबद्धता समेत जनाएको छ ।
नेप्लीज फेसन होमले लामो समयदेखि मिस नेवास्, मिस लिटिल नेवा, किड क्वीन आदि प्रतियोगितासहित विभिन्न सामाजिक कार्यक्रम गर्दै आइरहेको छ ।
चिरायु नेशनल हस्पिटल एण्ड मेडिकल ईन्टिच्युटमा युरोलोजिष्ट र नेफ्रोलोजिष्ट विभागमा प्रा.डा. उत्तम कुमार शर्मा, अर्थोपेडिक विभागमा प्रा.डा.दिपक प्रकाश महरा, प्रा.डा. अर्जुनप्रसाद लामिछाने र सुनिलजंग थापा, मनोसामाजिक डा. पवन शर्मा र ग्यास्ट्रो अनुराग झा लगायतका अनुभवी दक्ष चिकित्सकबाट विभिन्न किसिमका सेवा उपलब्ध गराउँदै आएको छ ।
यसैबीच, चिरायू अस्पतालले दोलखा मच्छिन्द्रनाथको जात्रालाई मध्यनजर गर्दै केहि स्वास्थ्य किट तथा औषधी उपलब्ध गराएको छ ।
