देशभर थपिए १०६ कोरोना संक्रमित, १२ जना आईसीयू र ३ जना भेन्टिलेटरमा उपचाररत
२०७९, ३० चैत्र बिहीबार १८:२४ मा प्रकाशित
6
Shares
जनस्वास्थ्य सरोकार, काठमाडौँ । नेपालमा कोरोना भाइरसको महामारी बढ्दो क्रममा रहेको छ । बिहीबार १०६ संक्रमित थपिएका छन् । जसमा ५४१ पीसीआर परीक्षणबाट ६४ तथा ९४७ एन्टिजेन परीक्षणबाट ४२ संक्रमित थपिएका हुन् ।
बिहीबार ७४ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । त्यसैगरी ३१ हजार ५५५ जनाले खोप लगाएका छन् ।
हाल पीसीआर परीक्षणबाट संक्रमित पुष्टि भएका सक्रिय संक्रमितको संख्या ४३५ रहेको छ ।
काठमाडौं उपत्यकामा भने अस्पतालमा भर्ना हुने संक्रमित बढेका छन् । जसमा २७ जना संस्थागत आइसोलेसनमा रहेका छन् ।
त्यस्तै १२ जना आईसीयूमा तथा ३ जना भेन्टिलेटरमा रहेका छन् । बिहीबार थप कसैको ज्यान गएको छैन ।
