स्वास्थ्यमन्त्री बस्नेतद्वारा एक एक पाइला ठोकर्पा आधारभूत अस्पतालको उद्घाटन
२०८०, ४ जेष्ठ बिहीबार १५:४६ मा प्रकाशित
जनस्वास्थ्य सरोकार, काठमाडौँ । स्वास्थ्य तथा जनसंख्या मन्त्री मोहनबहादुर बस्नेतले एक एक पाईला ठोकर्पा आधारभूत अस्पतालको उद्घाटन गर्नुभएको छ ।
सुनकोसी गाँउपालिका र एक एक पाईला फाउन्डेसनको सहकार्यमा सञ्चालित एक एक पाईला ठोकर्पा आधारभूत अस्पतालको बिहीबार मन्त्री बस्नेतले उद्घाटन गर्नुभएको हो ।
एक एक पाईला ठोकर्पा आधारभूत अस्पतालका अध्यक्ष नेत्र कार्कीका अनुसार वि. सं. २०७४ साल मंसिरबाट निर्माण सुरू भई २०७९ साउन १ गतेबाट २४ घण्टै ईमर्जेन्सी सेवासहित उपचार सेवा सुरू गरेको अस्पतालले मेजर अपरेशन बाहेकका सबै उपचारात्मक सेवा प्रदान गर्दै आएको छ ।
त्यस्तै अस्पतालले इमर्जेन्सी, एक्स-रे, प्रसुती, आँखा उपचार, दन्त सेवा, फारमेसी लगायतका सेवा दिँदै आएको छ । यस अस्पतालबाट एसएस एमसी सेवा अन्तरग जेष्ठ नागरिक र ओसीएमसी सेवा अन्तर्गत लैङ्गिक हिंसामा परेका ४ जना महिलाको निःशुल्क उपचार गरेको छ ।
