फर्टिलिटी सोसाइटी अफ नेपाल (फेसोन) को नयाँ कार्यसमिति निर्वाचित, अध्यक्षमा डा. भोला रिजाल, महासचिवमा डा. स्वस्ती शर्मा
२०८१, १६ बैशाख आईतवार १०:१२ मा प्रकाशित
जनस्वास्थ्य सरोकार, काठमाडौ । फर्टिलिटी सोसाइटी अफ नेपाल (फेसोन) को नयाँ कार्यसमिति निर्वाचित भएको छ ।
बरिष्ठ प्रसूति तथा स्त्री रोग विशेषज्ञ डा. भोला रिजालको अध्यक्षतामा फेसोनको नयाँ कार्यसमिति सर्वसम्मत चयन भएको हो । शनिवार राजधानीमा सम्पन्न फेसोनको पहिलो बार्षिक साधारण सभाले बरिष्ठ उपाध्यक्षमा ४ जना चयन गरेको छ जसमा डा. उमा श्रीवास्तव, डा.ज्ञानेन्द्रमानसिंह कार्की, डा. सानुमैया श्रेष्ठ र डा. सविना श्रेष्ठ हुनुहुन्छ। यसैगरी महासचिवमा डा. स्वस्ति शर्मा, सह महासचिवमा डा रश्मि श्रीश, कोषाध्यक्षमा डा. मीरा थापा सर्वसम्मत चयन हुनुभएको छ ।
यसैगरी सदस्यहरुमा डा. उषा खाँण, डा.प्रेरणा दाहाल, डा. चेतना श्रेष्ठ, डा. गिरिधर शर्मा चयन हुनुभएको छ । दुई वर्षको कार्यकाल रहेको सोसाइटीमा अहिले ४५ जना सदस्य रहेका छन् ।
नव निर्वाचित अध्यक्ष डा. रिजालको अगुवाइमा नेपालमा पहिलोपटक आईभिएफ प्रविधिबाट ओम आईभिएफ सेन्टरमा ओममणि तमाङको जन्म भएको थियो ।
