मुलुकमा न्युट्रेसन एण्ड डाइटेटिक्स काउन्सिलको तत्काल स्थापना हुनुपर्ने माग
यस विषयमा टोली नै बनाएर लाग्ने कोशी प्रदेश स्वास्थ्य निर्देशनालयका निर्देशकको आश्वासन
२०८१, २२ बैशाख शनिबार २२:२३ मा प्रकाशित
345
Sharesनेपाल हेल्थ न्युज, धरान । डायटिसियन र सरोकारवाला व्यक्तिहरुले मुलुकमा न्युट्रेसन एण्ड डाइटेटिक्स काउन्सिलको तत्काल स्थापना हुनुपर्ने माग गरेका छन् ।
कोशी प्रदेश स्वास्थ्य निर्देशनालयसँग उनीहरुले सो माग गरेका हुन् । देशमा न्युट्रेसन एण्ड डाइटेटिक्स काउन्सिलको माग गर्दै यसै साता निर्देशनालयका निर्देशक ज्ञानबहादुर बस्नेतलाई ४२ जनाको हस्क्षारसहितको ज्ञापन पत्र बुझाएका छन् ।
योर डायटेसियन प्रा.लिद्धारा धरानमा आयोजित ब्रिडिड द ग्याप कार्यक्रममा उपस्थित सम्पूर्ण सहभागी वक्ताहरुद्धारा मुख्य अतिथि बस्नेतलाई हस्ताक्षरसहितको ज्ञापनपत्र बुझाइएको हो । सो अवसरमा निर्देशक बस्नेतले यस विषयमा टोली नै बनाएर लाग्ने आश्वासन दिनुभयो ।
