बालबालिकामा पनि देखियो थाइराइड
२०७४, ३० जेष्ठ मंगलवार ०६:११ मा प्रकाशित
जेष्ठ ३०, २०७४ बालाजुका १४ वर्षीय कपिल मल्ललाई सानैदेखि कब्जियत थियो ।लामो समयसम्म कब्जियतको औषधि खाँदा पनि निको नभएको उनकी आमा कृष्णदेवीले बताइन् ।
‘धेरै दिनसम्म दिसा गर्दैन, पेट फुलिरहन्छ, धेरै खान्छ त्यसमा पनि कमजोर छ,’ उनले भनिन् । अनेक उपचार गर्दा ठीक नभएपछि कपिल कुपन्डोलको थाइराइड सेन्टर पुगे । कृष्णदेवीका अनुसार उनको कमजोरी, कब्जियतका कारण थाइराइड भएको रहेछ । ‘बालकालिकालाई पनि थाइराइड हुन्छ भन्ने थाहै थिएन, समयमै उपचार हुन सकेन,’ उनले भनिन् ।
सामान्यतस् थाइराइड पाको उमेरका व्यक्तिलाई लाग्ने भए पनि
पछिल्लो समय बालबालिकामा देखिन थालेको डा। बुद्धबहादुर
कार्कीले बताए । ‘मकहाँ आउने बिरामीमध्ये २० प्रतिशत
बालबालिका नै हुन्छन्,’ उनले भने । रानीवनकी निर्जला
बानियाँलाई उनलाई लामो समय जन्डिस भयो ।
उमेरअनुसार उनको तौल र उचाइ पनि नबढेको आमा मेनुकाले बताइन् । ‘सुस्त भइरहन्छे, पढाइमा पनि कमजोर छे,’ उनले भनिन् । चिकित्सकका अनुसार उपचारमा ढिलो भइसकेकाले उनको रोग निको हु्ँदैन । ‘सबै उपचार गरियो, थाइराइड होला भनेर त सोचेको पनि थिइनँ,’ उनले भनिन् । मेनुका स्वयं पनि थाइराइडकी बिरामी हुन् ।
कान्ति बाल अस्पतालका बालरोग विशेषज्ञ डा। विष्णुरथ गिरीका अनुसार विशेषगरी पहाडी र हिमाली क्षेत्रका बालबालिकामा थाइराइड धेरै देखिन्छ । ‘समुद्री सतहभन्दा माथिका भूभागका फलफूल, तरकारीमा कम आयोडिन हुन्छ, त्यहाँ हुर्कनेले आयोडिनयुक्त खानेकुरामा चेतना छैन,’ उनले भने । साभार कान्तिपुर
