काठमाडौँ — स्वस्थ रहेका प्रधानमन्त्रीलाई त्रिवि पदाधिकारीले अस्वस्थ भएको भन्दै गलत जानकारी दिएर सभा बैठक स्थगित गरेका छन् ।
उपकुलपति तीर्थ खनियाँले प्रधानमन्त्री अस्वस्थ भएकोले बैठक स्थगित गरेको सहभागीलाई जानकारी गराएका थिए। प्रधानमन्त्रीका प्रेस सल्लाहकार कुन्दन अर्यालले प्रधानमन्त्री स्वस्थ रहेको बताए। ‘उहाँ स्वस्थ्य हुनुहुन्छ। त्रिवि सभाको कार्यसुची प्रष्ट नभएकोले नजानु भएको हो,’ अर्यालले भने, ‘शनिबार पनि दिनभर ब्यस्त हुनुहुन्थ्यो। आज पनि व्यस्त हुनुहुन्छ। बेलुका संसद बैठकमा पनि जाँदैहुनुहुन्छ।’उपकुलपति र अन्य पदाधिकारीको कार्यशैली चित्तबुझ्दो नभएको र आइतबार हुने बैठकको कार्यसुची प्रष्ट नहुँदा बैठकमा नगएको प्रधानमन्त्री कार्यालयले जनाएको छ।