विद्यालयले तीन बर्षअघिदेखि नै छात्राहरूलाई निशुल्क सेनिटरी प्याड उपलव्ध गराउदै आएको थियो । यसपटकदेखि मेसिनबाट उपलव्ध गराउन थालेको हो । छात्राहरूको स्वास्थ्य सुविधाकालागिमात्र उक्त मेसिन नराखेर महिनावारी हुँदा अलगै नबसी पठन पाठन पनि निर्धक्क सक्रिय बनन् भनेर भेण्डिङ मेसिन नै राखिदिएको प्रधानध्यापक इनद्रमोहन झाले बताए । उनले भने, ‘बास्तवका महिनावारी महिलाको गर्भाशयबाट प्राकृतिक रुपमा हुने सरसफाइ प्रक्रिया हो । महिलामा हुने यो प्राकृतिक प्रकृयालाई अनेक अन्धविश्वास र भ्रमसंग जोडेर यसैबेला अछुत बनाइन्छ । यस्ता भ्रम चिर्नकै लागि हामीले प्रदेश १ मा पहिलो पटक छात्राहरूकालागि विद्यालयमै राखिदिएका हौं । जस्लाई आवश्यक पर्छ उसले निर्धक्क सिक्का लगाएर निशुल्क रुपमा प्याड प्रयोग गर्न सक्छ ।’