स्वास्थ्य चौकीको चौरमा टाँगिएको पाल हावाले उडाउने हो कि भन्ने चिन्तै–चिन्तामा उपचार गरिरहेको स्वास्थ्यकर्मीको भनाइ छ । स्वास्थ्य चौकीको छाना उडाउँदा कोठामा रहेको औषधिलगायत अन्य सामग्री भिजेकाले सेवा प्रवाहमा कठिनाइ भएको स्वास्थ्य चौकी इन्चार्ज यज्ञबहादुर बस्नेतले बताए । ‘बिरामी जाँच गर्न त खासै गाह्रो छैन,’ उनले भने, ‘सुत्केरी सेवा प्रवाहमा गाह्रो भएको छ ।’ उनका अनुसार हावाहुरीले छाना उडाउने क्रममा प्रसूति गृहको भवनको पर्खाल पनि भत्किएकाले जोखिम धेरै छ ।