Logo
|
Monday 23rd December 2024
Logo

epaper

Trending
nepalhealthnews करियर कोभिड-१९ क्यान्सर खोप छाला टेक्नोलोजी फर्मा मिर्गौला मुटु हस्पिटल

संविधान दिवसका अवसरमा निजी मेडिकल कलेजमा बहिरङ्ग सेवा निःशुल्क

नेपाल हेल्थ न्युज
२०७६, २ आश्विन बिहीबार १३:३२ मा प्रकाशित
0
Shares

चितवन, २ असोज । संविधान दिवसका अवसरमा यहाँका निजी मेडिकल कलेजले पनि आज बहिरङ्ग सेवा निःशुल्क गरेका छन् । सरकारले सबै सरकारी अस्पतालमा आज एक दिनका लागि बहिरङ्ग सेवा निःशुल्क गर्ने घोषणा गरेको थियो । जिल्लामा रहेका चितवन मेडिकल कलेज र कलेज अफ मेडिकल साइन्सेसले पनि बहिरङ्ग सेवा निःशुल्क गरेका हुन् । चितवन मेडिकल कलेजका व्यवस्थापक पारस अधिकारीले बहिरङ्गका विशेष र सामान्य दुवै सेवा निःशुल्क गरिएको बताए । सामान्यमा रु २५ र विशेषमा रु ४०० लिने गरिन्थ्यो ।उक्त मेडिकल कलेजमा दैनिक एक हजार ५०० हाराहारीमा बिरामी आउने गरेको उनले जानकारी दिए । यसैगरी कलेज अफ मेडिकल साइन्सेसले पनि बहिरङ्ग सेवा निःशुल्क गरेको छ । अस्पतालका प्रमुख कार्यकारी अधिकृत शुभप्रभात श्रेष्ठका अनुसार सामान्य र विशेष दुवै सेवा निःशुल्क गरिएको हो । दैनिक एक हजार हाराहारी बिरामी बहिरङ्ग सेवामा आउने उनले जानकारी दिए ।यता जिल्लाका सरकारी अस्पताल सबैमा बहिरङ्ग सेवा निःशुल्क गरिएको छ । भरतपुर अस्पतालका प्रमुख मेडिकल सुपरिटेण्डेन्ट डा. श्रीराम तिवारीका अनुसार दैनिक एक हजार ९०० सम्म बिरामी बहिरङ्ग सेवामा आउने गर्दछन् । आज झरीको दिन भएकाले केही कम बिरामी हुने अनुमान गरिएको उनले बताउए ।यस्तै यहाँको बिपी कोइराला मेमोरियल क्यान्सर अस्पतालमा पनि बहिरङ्ग सेवा निःशुल्क गरिएको छ । अस्पतालका कार्यकारी निर्देशक डा. विजयचन्द्र आचार्यका अनुसार दैनिक ७०० हाराहारी बिरामी उक्त अस्पतालमा आउने गर्दछन् । संविधान दिवसलाई विशेषरुपमा मनाउन आजदेखि तीन दिनसम्म जिल्लामा विभिन्न कार्यक्रम गरी मनाईदैछ ।-रासस

प्रतिक्रिया दिनुहोस्

प्रतिक्रिया दिनुहोस्
सूचना विभाग दर्ता नं.

३०९५/०७८-७९

Contact Us

Qucik Links

Our Team

प्रकाशक/सम्पादक : पुरुषोत्तम घिमिरे
संबाददाता : सन्देश श्रेष्ठ
प्रबन्ध निर्देशक : सुशिला कोइराला
Office : Koteshwor Kathmandu
Email : [email protected]
Copyright © 2024 Nepal Health News नेपालको नं.१ जनस्वास्थ्य पत्रिका All Rights Reserved | Designe & Developed by: Appharu