राजीनामा स्वीकृत गरीपाउँ भनी स्वास्थ्य सचिव डा चौधरीले दिइन् निवेदन
जनस्वास्थ्य सरोकार, काठमाडौँ । स्वास्थ्य तथा जनसंख्या मन्त्रालयकी सचिव डा पुष्पा चौधरीले सरकारले आफनो राजिनामा स्विकार नगेपछि उक्त निर्णयलाई पुनर्विचार गर्न पुन निवेदन दिएकी छिन्।
मन्त्रालयमा काम गर्ने वातावरण नभएको भन्दै डा चौधरीले सचिव पदबाट राजीनामा दिएकी थिइन। तर सरकारले भने उनको राजिनामा अस्वीकृत गरेको थियो। त्यसो त डा चौधरीले विश्व स्वास्थ्य संगठनमा नाम निकालेर सचिव पदबाट राजिनामा दिएकी भए पनि आफूले आकर्षक जागिरकै लागि राजिनामा नदिएको बताउँदै आएकी थिइन।
डा चौधरीले स्वास्थ्य मन्त्री भानुभक्त ढकाललाई भेटी आफू मन्त्रालय आउन नचाहेको भन्दै राजीनामा स्विकृत गराउन सहयोग गर्न आग्रह गरेकी छिन्। डा चौधरीले कात्तिक ३ गते राजीनामा बुझाएर मन्त्रालय आउन छोडेकी थिइन।