कोरोना संक्रमणका कारण नेपाली कांग्रेसका जिल्ला उपसभापति गिरीको मृत्यु
२०७७, २ भाद्र मंगलवार ११:१२ मा प्रकाशित
0
Shares
जनस्वास्थ्य सरोकार, काठमाडौँ । कोरोनाभाइरस संक्रमण भएका नेपाली काङ्ग्रेस नवलपरासीका जिल्ला उपसभापति सुवासचन्द्र गिरीको मृत्यु भएको छ। ३७ वर्षीय गिरीको ललितपुरको पाटन अस्पतालमा उपचारको क्रममा मृत्यु भएको हो।
पाटन अस्पतालका निर्देशक डा. रवि शाक्यका अनुसार उनको मंगलबार बिहान ७ बजे मृत्यु भएको हो। केही समयअघि गिरीको पेटको शल्यक्रिया भएको थियो। तर, स्वास्थ्य समस्या भएपछि उनी गएको ३० साउनमा पाटन अस्पताल भर्ना भएका थिए।
शाक्यका अनुसार पाटन अस्पताल भर्ना हुँदा उनको स्वास्थ्य अवस्था जटिल भइसकेको थियो। उनको पाटन अस्पतालको सघन उपचार कक्ष (आईसीयू) मा राखेर उपचार भइरहेको थियो।
