शहिद धर्मभक्त राष्ट्रिय प्रत्यारोपण केन्द्रमा डायलाइसिस गराउन आएका कोरोना संक्रमित मृत्यु
२०७७, ८ भाद्र सोमबार १३:४२ मा प्रकाशित
जनस्वास्थ्य सरोकार, भक्तपुर। भक्तपुरको दुधपाटीमा रहेको शहिद धर्मभक्त राष्ट्रिय प्रत्यारोपण केन्द्रमा डायलाइसिस गराउन आएका एकजना पुरुषको कोरोना संक्रमणका कारण मृत्यु भएको छ । दुबै मिर्गौला फेल भएपछि प्रत्यारोपण गर्न डायलाइसिस गराउँदै आएका रुपन्देहीको बुटवलका एकजना ५२ वर्षीय पुरुषको ज्यान गएको केन्द्रका प्रमुख डा. प्रेम ज्ञवालीले जानकारी दिनुभयो ।
डा. ज्ञवालीका अनुसार प्रत्यारोपण केन्द्रमा पुगेका उनको डायलाइसिस नै गर्न नपाइ मृत्यु भएको हो । उनी आफन्त सहित हिजो दिउँसो अस्पताल पुगेका थिए । यसअघि नै उनमा कोरोना संक्रमण पुष्टि भएको थियो ।
मृतकको शव नेपाली सेनाको शव व्यवस्थापन टोलीले व्यवस्थापन गरेर पशुपतिस्थित विद्युतीय शवदाह गृहमा दाहसंस्कार गरेको छ ।
यसैबीच अस्पताल भक्तपुरमा उपचारको क्रममा एक पुरुषको निधन भएको छ । पाँचथर मिग्लाजुङग गाउपालीका १ घर भई हाल चागुनारायण नगरपालिका ९ बस्ने बर्ष ४७ को नरेन्द्र राईको उपचारका क्रममा मृत्यु भएको हो ।
तर उनको स्वाब परिक्षण गर्दा पीसीआ नेगेटिभ आएकाले शव आफन्तले बुझेर लगेको वीर दल गण सुर्यबिनायकका प्रमुख शिवप्रसाद पौडेलले जानकारी दिनुभयो ।
