सन्दीप लामिछाने कोरोनामुक्त
२०७७, १८ मंसिर बिहीबार १३:१८ मा प्रकाशित
3
Shares
जनस्वास्थ्य सरोकार, काठमाडौँ । नेपाली राष्ट्रिय क्रिकेट टोलीका लेग स्पिनर सन्दीप लामिछाने कोरोना संक्रमण मुक्त हुनुभएको छ । सन्दीपले सामाजिक सञ्जालमार्फत आफू कोरोनामुक्त भएको जानकारी दिनुभएको हो ।
सन्दीपलाई शनिबार कोरोना संक्रमण पुष्टि भएको थियो । स्वास प्रश्वासमा समस्या देखिएपछि सन्दीप गत आइतबार काठमाडौंमा रहेको ह्याम्स अस्पताल भर्ना हुनुभएको थियो । १० दिनको आइसोलेसन बसाइपछि कोरोना संक्रमण मुक्त हुनुभएको हो ।
