अबको दुइ साताभित्र खरिद गरिएको खोप नेपाल आइपुग्ने
२०७७, ६ फाल्गुन बिहीबार १६:३२ मा प्रकाशित
51
Sharesजनस्वास्थ्य सरोकार, काठमाडौं । सरकारले भारतसँग खरिद गर्न लागेको कोरोना भाइरस विरुद्धको खोप अबको दुई साताभित्र नेपाल आइपुग्ने जनाएको छ । खोप खरिदका लागि आवश्यक प्रक्रिया अगाडि बढीसकेकाले दुइ साताभित्र खोप नेपाल आइपुग्ने बताइएको छ । खोप खरिदका लागि सरकारले भारतको सेरम इन्स्टिच्युटलाई अग्रिम रकम भुक्तानी गरिसकेको छ ।
स्वास्थ्य तथा जनसंख्या मन्त्रालयले सेरम इन्स्टिच्युटले उत्पादन गरेको कोभिसिल्ड खोप २० लाख डोज खरिद गर्न लागेको छ । खोप नेपाल आएपछि यहि फागुन २३ गतेबाट दोस्रो चरणको खोप अभियान सुरु हुने र सो खोप ६० वर्ष माथिकालाई समेत उपलब्ध गराइनेछ । यसअघि भारत सरकारले कोभिसिल्ड खोप १० लाख डोज उपहार स्वरुप उपलब्ध गराएको थियो । सो खोप हालसम्म प्राथमिकताका आधारमा तीन लाख भन्दा बढिले लगाइसकेका छन् ।
