कोरोनाविरुद्ध कोभिसील्ड खोपले कसरी काम गर्छ ?
२०७७, ९ फाल्गुन आईतवार १२:५६ मा प्रकाशित
जनस्वास्थ्य सरोकार, काठमाडौं । अक्सफर्ड–आस्ट्राजेनेकाको खोप स्थानीय रूपमा उत्पादन गरिरहेको सीरम इन्स्टिट्यूट अफ इन्डिया संसारकै सवैभन्दा ठूलो खोप उत्पादक हो । आफूले प्रत्येक महिना कोभिसील्ड खोपको पाँच करोडभन्दा बढी मात्रा उत्पादन गरिरहेको उक्त कम्पनीको दाबी छ । यो खोपको प्रकार ’भाइरल भेक्टर’ हो । अर्थात् यसमा आनुवंशिक स्वरूप परिवर्तन गरिएको भाइरसलाई वाहकका रूपमा प्रयोग गरिएको हुन्छ ।
चिम्पान्जीबाट निकालिएको सामान्य रुघाखोकी गराउने एडिनोभाइरसलाई निस्तेज पारेर यो खोप बनाइन्छ। रोग लगाउन सामर्थ्य नभए पनि त्यसलाई कोरोनाभाइरसजस्तै देखिने बनाइएको हुन्छ ।
वाहकका रूपमा प्रयोग गरिएको एडिनोभाइरसलाई कोरोनाभाइरसजस्तै बनाइएको छ तर त्यसले संक्रमण गर्दैन । उक्त खोप दिइएपछि मानिसको रोग प्रतिरोध प्रणाली सक्रिय हुन्छ जसबाट शरीरमा एन्टिबडीहरू बन्छन् ।
शरीरभित्र प्रवेश गर्ने कोरोनाभाइरससँग लड्ने काम एन्टिबडीको हो । यो खोपको दुई मात्रा चारदेखि १२ साताको अन्तरमा दिइन्छ । विविसी नेपालीबाट
