फार्मेसी काउन्सिलको अध्यक्षमा वरिष्ठ फार्मेसी विज्ञ प्रज्वलजंग पाण्डे
२०७७, १३ चैत्र शुक्रबार २०:१८ मा प्रकाशित
300
Shares
जनस्वास्थ्य सरोकार, काठमाडौं । सरकारले फार्मेसी काउन्सिलको अध्यक्षमा लोमस फर्मास्युटिकल्स प्रा.लि.का कार्यकारी निर्देशक एवं वरिष्ठ फार्मेसी विज्ञ प्रज्वलजंग पाण्डेलाई नियुक्त गरेको छ ।
मन्त्रिपरिषद् बैठकले काउन्सिलको अध्यक्षमा पाण्डेलाई नियुक्त गरेको हो । यसअघिका काउन्सिलका अध्यक्ष केशवध्वज जोशीको ४ वर्षे कार्यकाल १७ फागुनमा सकिएपछि पाण्डे ४ वर्षका लागि काउन्सिलको अध्यक्षमा नियुक्त हुनुभएको हो ।
यस्तै, काउन्सिलका रिक्त सदस्यहरुमा अमृत थापा, निरज बर्तौला, निशान्तकुमार गुप्ता, महासागर ज्ञवाली नियुक्त हुनुभएको छ। स्वास्थ्यमन्त्री हृदयेश त्रिपाठीको सिफारिसमा बिहीबारका क्याबिनेटको बैठकले उहाँहरु सबैलाई जिम्मेवारी प्रदान गरेको हो ।
