भियतनाममा भेटियो नयाँ प्रजातिको कोरोना, हावाबाट छिटो फैलने
२०७८, १६ जेष्ठ आईतवार ११:१४ मा प्रकाशित
435
Shares
जनस्वास्थ्य सरोकार। अहिले विश्वका विभिन्न देशमा एकपछि अर्को भेरियन्टसहितको कोरोनाभाइरस देखिइरहेको छ । यस्तै भियतनाममा फेरी नयाँ प्रजातिको कोरोनाभाइरस फेला परेको छ ।
भियतनामका स्वास्थ्यमन्त्री नुगेन थानले बेलायती भेरियन्ट र भारतीय भेरियन्ट मिलेर बनेको यो नयाँ प्रजातिको कोरोनाभाइरस देखिएको र यो खतरनाक हुने बताउनुभएको छ । उहाँका अनुसार यो प्रजातिको कोरोनाभाइरस हावाबाट छिटो फैलने गर्छ ।
सन् २०१९ को अन्त्यमा चीनबाट फैलन शुरु गरेको कोरोनाभाइरस अहिले परिवर्तन हुँदै जाँदा खतरनाक बन्दै गइरहेको छ । भियतनाममा देखिएको कोरोनाभाइरस संक्रामक रहेको बताइएको छ । यहाँ पछिल्ला केही हप्तादेखि कोरोना संक्रमण बढ्दै गइरहेको छ ।
