आज ३३२ जनामा कोरोना संक्रमण, २३२ कोरोनामुक्त
२०७८, ८ मंसिर बुधबार १६:३३ मा प्रकाशित
54
Sharesजनस्वास्थ्य सरोकार, काठमाडौं । मुलुकमा आज ३३२ जनामा कोरोना संक्रमण देखिएको छ। ७ हजार ५९० पिसिआर परीक्षणमा ३ सय ५ र २ हजार ३३० जनाको एन्टिजेन परीक्षणमा २७ गरी ३ सय ३२ जनामा कोरोना पोजेटिभ देखिएको स्वास्थ्य तथा जनसंख्या मन्त्रालयले जनाएको छ । बुधबार काठमाडौँ उपत्यकामा १८१ जना कोरोना संक्रमित थपिएका छन । ती मध्ये भक्तपुरमा ११ ललितपुर २६ र काठमाडौँमा १४४ जना संक्रमित थपिएका हुन । यसैगरी २४ घन्टाको अवधिमा आज २ सय ३२ जना कोरोनामुक्त भएका छन् । आज थप ४ जना संक्रमितको मृत्यु भएको मन्त्रालयले जनाएको छ । मुलुकमा सक्रिय संक्रमितको संख्या ७ हजार ३६९ रहेको मन्त्रालयले जनाएको छ ।
