चिकित्सकको परीक्षामा नक्कली परीक्षार्थी, तीन जना पक्राउ
२०७८, ९ माघ आईतवार १७:४४ मा प्रकाशित
जनस्वास्थ्य सरोकार, काठमाडौँ । चिकित्सा शिक्षा आयोगले शनिबार लिएको स्तानकोत्तर तह (एमडी र एमएस)को एकीकृत प्रवेश परीक्षामा सहभागी भएका नक्कली परीक्षार्थी, बिचौलिया र परीक्षामा अमार्यादित कार्य गर्ने तीन जना पक्राउ परेका छन्।
प्रहरीको केन्द्रीय अनुसन्धान ब्यूरो सिआइबीले तीन जनालाई पक्राउ गरेको हो। पक्राउ पर्नेमा भारत उत्तर प्रदेशका ३० वर्षीय जितेन्द्र कुमार मिश्रा, भारत बिहारका ३४ वर्षका शशिभूषण सिंह र भारत बिहारकै ३२ वर्षका कृष्ण मुरारी रहेका छन्।
प्रहरी उपरीक्षक श्याम कुमार महतोकाअनुसार मिश्रा एलआरआई स्कुल कलंकीको परीक्षा केन्द्रबाट पक्राउ परेका हुन्। उनी नक्कली परीक्षार्थी हुन्।
यस्तै एलआरआई केन्द्रबाट नै पक्राउ परेका सिंह बिचौलियाको रुपमा नक्कली परीक्षार्थीलाई सहयोग गर्ने हुन् भने नेपाली सेनाको मेडिकल कलेजबाट पक्राउ परेका मुरारी परीक्षामा अमर्यादित कार्य गरेको भन्दै पक्राउ परेका हुन्।