गंगालाल राष्ट्रिय हृदय केन्द्र सञ्चालक समितिको रिक्त दुई सदस्य पदमा डा. रेग्मी र डा. गौतम मनोनित
२०७९, १० श्रावण मंगलवार ०६:४८ मा प्रकाशित
30
Shares
जनस्वास्थ्य सरोकार, काठमाडौं । शहीद गंगालाल राष्ट्रिय हृदय केन्द्र सञ्चालक समितिमा रिक्त दुई पदले पूर्णता पाएको छ ।
स्वास्थ्य तथा जनसंख्या मन्त्री भवानीप्रसाद खापुङले मुटुरोग विशेषज्ञ डा.प्रकाशराज रेग्मी र कार्डियाक सर्जन डा.नविनचन्द्र गौतमलाई सदस्यमा मनोनित गरेसँगै सो रिक्त पदले पूर्णता पाएको हो ।
स्वास्थ्य मन्त्री केन्द्र सञ्चालक समितिको अध्यक्ष हुने कानुनी व्यवस्था छ ।
सञ्चालक समिति सदस्यको पदावधी चार वर्षको हुनेछ। अस्पतालका कार्यकारी निर्देशक चन्द्रमणि शर्मा सदस्यसचिव रहेको वर्तमान समितिमा एमाले सांसद ईश्वर पोखरेल, स्वास्थ्य सचिव डा. रोशन पोखरेल, अर्थ मन्त्रालयका सहसचिव रितेशकुमार शाक्य, हार्ट टू नेपालका विजय राई, डा. युवराज लिम्बू, काठमाडौ विश्वविद्यालयका डीन डा.राजेन्द्र कोजु, विना दवाडी सदस्य रहनुभएको छ ।
