सेती प्रादेशिक अस्पताललाई अत्याधुनिक एम्बुलेन्स हस्तान्तरण
२०८०, २४ बैशाख आईतवार १४:२२ मा प्रकाशित
जनस्वास्थ्य सरोकार, काठमाडौँ । रोटरी क्लब अफ धनगढीले सेती प्रादेशिक अस्पताललाई अत्याधुनिक ‘क’ वर्गको एम्बुलेन्स हस्तान्तरण गरेको छ ।
रोटरी क्लब अफ धनगढीका अध्यक्ष ठेकेद्रराज जोशीले प्रादेशिक अस्पतालका मेडिकल सुपरिटेन्डेन्ट हेमराज पाण्डेयलाई जापानमा निर्मित ल्याण्डक्रुज कम्पनीको ‘क’ वर्गको एम्बुलेन्स हस्तान्तरण गर्नुभयो ।
एम्बुलेन्स हस्तान्तरण कार्यक्रममा बोल्दै सुदूरपश्चिम प्रदेशका भौतिक पूर्वाधार विकासमन्त्री प्रकाशबहादुर देउवाले एम्बुलेन्सले उपचारमा सहज हुने बताउँदै मानवीय सेवामा कार्य गरेको भन्दै क्लबलाई धन्यवाद दिनुभयो ।
यस्तै धनगढी उपमहानगरपालिकाका नगरप्रमुख गोपाल हमालको विगतदेखि नै क्लबले गरेको कामको उच्च मूल्यांकन गर्दै एम्बुलेन्स प्रदान गरेकामा प्रशंसा व्यक्त गर्नुभयो ।
रोटरी क्लबको ग्लोबल ग्र्याण्ड अन्तरगतको उक्त एम्बुलेन्स प्रोजेक्टका संयोजक तथा क्लबका पूर्व अध्यक्ष हरिशंकर ठाकुरले भन्सार छुट गरेर करिब १ करोड ३५ लाखको लागतमा एम्बुलेन्स खरिद गरी प्रादेशिक अस्पताललाई हस्तान्तरण गर्न पाउँदा आफू निकै हर्षित भएको बताउनुभयो । उहाँले सम्पूर्ण सहयोगी दाताहरूलाई धन्यवाद समेत दिनुभयो ।
