Logo
|
Friday 1st March 2024
Logo

epaper

नेपाली डर्मा उत्पादनले वार्षिक ३० प्रतिशत आफ्नो शेयर बढाउँदै

भारतीय कम्पनिका उत्पादनहरू नेपालको नियामक निकायमा बिना दर्ता भ्याट तिरेको आधारमा भित्रिरहेको अवस्था



रोशनी शर्मा

शर्मा विगत ८ वर्षदेखि मारुती फर्मामा प्रोडक्ट एण्ड मेडिकल ट्रेनिङ डिर्पाटमेन्ट (पिएमटी) को प्रमुख अर्थात् प्रोडक्ट म्यानेजरको भूमिका निर्वाह गर्दै आउनुभएको छ । शर्माले पोखराको स्कुल अफ हेल्थ एण्ड अलाइड साइन्स कलेजबाट सन् २००९ मा बी फार्म र २०१४ मा क्लिनिकल फार्मेसीमा मास्टर्स गर्नुभएको थियो । औषधिको क्षेत्रमा दश वर्षको अनुभव सँगालेकी शर्मा नेपाली औषधिको गुणस्तर र चुनौतिबारे के भन्नुहुन्छ ? जानौं उहाँको आफ्नै शव्दमा ।

चुनौति के देख्नुभएको छ ?
नेपालमा औषधि उद्योग एक्जीस्ट भएको तीन दशकभन्दा बढी भइसकेको छ । तर अहिलेसम्म पनि स्वदेशी औषधि बजारमा विदेशी (इन्डियन) उत्पादनहरूको वर्चस्व रहेको पाइन्छ ।


विदेशी औषधि हावी हुनमा कस्को कमजोरी देख्नुहुन्छ ?

औषधि व्यवस्था विभागमा रजिस्टर्ड भएका औषधि मात्र बिक्री वितरण गर्न पाइन्छ । भारतीय कम्पनिका उत्पादनहरू नेपालको नियामक निकायमा बिना दर्ता भ्याट तिरेको आधारमा उत्पादनहरू भित्रिरहेका छन् ।

प्रभावकारी अनुगमन भइरहेको छैन । साथै नेपाली कम्पनिहरूले पनि चिकित्सकहरूको विश्वास जित्न सक्नुपर्छ उपभोक्ताहरूमा स्वदेशी उत्पादनहरू प्रति विश्वास हुनुपर्छ ।


गुणस्तर कायम राख्ने आधार के के छन् ?


नेपाली औषधिका सम्पूर्ण उत्पादन विश्व स्वास्थ्य संगठन कुशल उत्पादन अभ्यास (डब्लुएचओ जीएमपी) गाइडलाइन अनुसार हुने गर्छ ।

क्वालिटी कन्ट्रोल औषधि उद्योगको महत्वपूर्ण पाटो हो । कच्चा पदार्थको गुणस्तर पास भइसकेपछि उत्पादनका विभिन्न चरणमा इन प्रोसेस टेस्टिङ गर्नुपर्छ । औषधि फर्माकोपियल (यूएसपी, बीपी, आईपी) भएमा फर्मा कोपियल गाइडलाइन अनुसार आरएस, इम्प्युरिटिज, डिसोलुसन, एसे टेष्ट गर्नुपर्छ भने इन हाउस प्रोडक्टका लागि एनालाइटिकल मेथड भ्यालिडेसन (एएमभी) गर्नुपर्छ । सबै पारामिटर्स ठीक भइसकेपछि इस्ट्याविलिटी टेष्ट गर्नुपर्छ । रियल टाइम र एक्सिलेरेटेड कन्डिसनमा इस्ट्याविलिटी टेष्ट गरिन्छ । इस्ट्याविलिटी स्पेसीफाइड टाइम पास भइसकेपछि मात्र उत्पादन अनुज्ञापत्र प्राप्त गर्न सकिन्छ । त्यसपछि बिक्रिवितरण प्रमाणपत्रका लागि प्रक्रिया अघि बढाउनुपर्छ ।

नेपालमा डर्मा मार्केटको स्कोप कस्तो छ ?


नेपाली बजारमा स्वदेशी कम्पनिहरूले ४० प्रतिशतभन्दा बढी हिस्सा ओगटेका छन् । साउथ एसिया वाच अन ट्रेड इकोनोमिक्स एण्ड इन्भाइरोमेन्ट SAWTEE) ले सन् २००५ मा गरेको अध्ययनअनुसार, नेपाली औषधि कम्पनिहरूले बजारको ३० प्रतिशत ओगटेको र नेपाली औषधि उद्योगको खपत् आन्तरिक बजारमा वार्षिक १० प्रतिशतले वृद्धि भएको देखिन्छ ।


हाल नेपालमा स्वदेशी औषधि बजारको आकार ५४ अर्बको हाराहारीमा पुगेको छ । जसमा डर्माको सेयर ६–७ प्रतिशत छ । त्यसैले नेपालमा डर्मा सेग्मेन्टको बजार आकार करिब ३ अर्ब ५० लाख रहेको छ र बार्षिक रूपमा ३० प्रतिशतले बृद्धि भइरहेको छ । यसमा ठूलो हिस्सा कस्मेस्युटिकल्स (मेडिको–कस्मेटिक्स) को योगदान रहेको छ


कस्मेटिक डर्माटोलोजी अन्तर्गत लेजर थेरापी, नन् सर्जिकल फेस लिफ्ट, डर्मा फिलर, कस्मास्युटीकल्स आदि रहेका छन् । कस्मेटोलोजी मुख्यतया सौन्दर्यसँग सम्बन्धित छ । बढ्दो सचेतनाले कस्मेटिक उत्पादनहरूको बजार फराकिलो बन्दै गएको छ ।
छालामा हुने सुक्ष्मजीवहरूले ब्याक्टेरियल, फंगल, भाइरल लगायतका विभिन्न इन्फेन्क्सनहरू निम्त्याउँछन् । जस्तैः आदि । छालाजन्य औषधिहरू एलर्जी, एक्जिमा, डर्माटाइटीस्, सोरायसीस् जस्ता छालाजन्य विकारहरुमा प्रयोग हुन्छन् । छालाजन्य उत्पादनहरूमध्ये कर्टिकोस्टेरोइड, एन्टीवायोटिक, एन्टीफंगल आदि औषधिहरूको माग धेरै हुने गर्छ । क्लिनिकल डर्माटोलोजीमा कार्टिकोस्टेरोइड, एन्टीइन्फेक्टीभ्स (एन्टीफंगल, एन्टीव्याक्टेरियल) एन्टीएक्ने, डीपीग्मेन्टीङ एजेन्ट्स आदिको प्रमुख योगदान छ । यही प्रवृतिले बृद्धि हुँदै जाने हो भने नेपाली डर्मा मार्केटमा क्लिनिकल र कस्मेटिक डर्माटोलोजी दुवैको स्कोप एकदमै राम्रो छ ।


औषधिको गुणस्तर कसरी घट्न सक्छ ?
नेपाली उत्पादनहरूको गुणस्तरमा कुनै समस्या छैन । तर ढुवानी र भण्डारणमा तालमेल नमिलेमा गुणस्तर घट्न सक्छ । त्यसैले यसप्रति सम्बन्धित निकायको ध्यान पुग्न जरुरी छ ।

प्रतिक्रिया दिनुहोस्