कस्तो अवस्थामा लिने पिआरपी थेरापी
२०८०, १२ असार मंगलवार १४:०९ मा प्रकाशित
रगतबाट प्लेटलेट प्लाज्मा छुट्याएर समस्याग्रस्त भागमा प्रयोग गर्ने प्रविधिलाई प्लेटलेट्स रिच प्लाज्मा (पि.आर.पी.) थेरापी भनिन्छ ।
रगतका कोषिकाहरुबाट प्लेटलेट्स छुट्याएर इन्जेक्सन वा माइक्रो निडलको माध्यमबाट पि.आर.पी. गरिन्छ । रगतको प्लेटलेट्स कोषिकाभित्र २० थरी भन्दा बढी ग्रोथ फ्याक्टरहरु हुन्छन् । यसका लागि १० देखि ३० मिलिलिटर (एमएल) जति रगत निकाल्नुपर्छ, । त्यसबाट प्लेटलेट्स छुट्याउनुपर्छ ।
चम्किलो अनुहार, डण्डिफोर, खत, चायापोतो, आँखाको तलको धव्वा हटाउन, कपाल झर्ने समस्या समाधान गर्न पिआरपी गरिन्छ । यो महिनामा एक सेसन पूरा गर्नुपर्छ ।
यसको परिणाम एक हप्तादेखि १० दिनमा देखिन शुरू हुन्छ । पिआरपीको खर्च प्रति सेसन ३ हजार ५ सयदेखि ८ हजारसम्म पर्नसक्छ ।
पि.आर.पी. आफ्नै रगतबाट बनाइने भएकाले शत्प्रतिशत सुरक्षित मानिन्छ । पि.आर.पी. गरेकाहरूले खानपान र जीवनशैलीमा पथपरहेज गर्नुपर्दैन ।
