वरिष्ठ मुटुरोग विशेषज्ञ प्रा.डा. अरुण सायमीले साउन १ गतेदेखि केएमसीबाट उपचार सेवा दिने
२०८०, २८ असार बिहीबार १०:५२ मा प्रकाशित
6
Shares
जनस्वास्थ्य सरोकार, काठमाडौँ । वरिष्ठ मुटुरोग विशेषज्ञ प्रा.डा. अरुण सायमीले अब काठमाडौँको सिनामंगलस्थित काठमाडौँ मेडिकल कलेजबाट बिरामीलाई उपचार सेवा दिनुहुने भएको छ ।
चार दशक अघिदेखि मुटुरोगीको उपचारमा सक्रिय नेपालका प्रसिद्ध डा. सायमी केएमसीमा आवद्ध हुनुभएको हो ।
प्रा.डा. सायमीले साउन १ गतेदेखि उपचार सेवा शुरु गर्ने केएमसीकी अध्यक्ष सोइना शर्माले जानकारी दिनुभयो ।
उपचार सेवालाई थप स्तरीय बनाउँदै लगेको केएमसीले डा. सायमीलाई भित्र्याएर मुटुरोग विभागलाई थप मजबुत बनाउन लागेको हो ।
शहीद गंगालाल हृदय केन्द्रका संस्थापक अध्यक्षसमेत रहनुभएका सायमीले २१ वर्ष प्रधानमन्त्रीको निजी चिकित्सकको रुपमा काम गर्नुभएको थियो । उहाँले एमवीबीएस, एमडी र डीएमसम्मका विद्यार्थीलाई अध्यापन गराउदै आउनुभएको छ ।
