पाँच महिनादेखि चिकित्सक बेपत्ता
खोजीका लागि स्थानीय प्रशासनसमक्ष परिवारको हारगुहार
२०८१, २७ भाद्र बिहीबार ११:४२ मा प्रकाशित
111
Shares
नेपाल हेल्थ न्युज, जलेश्वर । भङ्गहा नगरपालिका–२ बखरी गाउँका स्थायी बासिन्दा ५० वर्षीय चिकित्सक प्रबोधकुमार यादव गत वैशाख ३ गतेदेखि बेपत्ता भएका छन् ।
काठमाडौँमा बस्दै आएका उनी कामको सिलसिलामा जनकपुर पुगेपछि परिवारको सम्पर्कमा नआएपछि खोजीका लागि स्थानीय प्रशासनसमक्ष हारगुहार गरिएको छ ।
जिल्ला प्रहरी कार्यालय महोत्तरीका अनुसार उनले २०८१ वैशाख ३ गते श्रीमती पुनमकुमारीसँग टेलिफोनमा कुरा भएको थियो । सोही दिन अपराह्न ३ बजेदेखि उनको मोबाइल बन्द भएको उनकी श्रीमतीले बताइन् ।
प्रहरीले बेपत्ता यादवको खोजतलास भइरहेको जनाएको छ ।
