वयोधा केयर डे मा एक दर्जन कर्मचारी सम्मानित (फोटो फिचरसहित)
२०७५, २४ पुष मंगलवार १६:४९ मा प्रकाशित
काठमाडौंको बल्खुस्थित वयोधा हस्पिटलले अस्पतालका संस्थापक अध्यक्ष डा. श्यामबहादुर पाण्डेको जन्मजयन्तीको अवसरमा वधोया केयर डे को शुरुवात् गरेको छ । 
स्वर्गीय डा. पाण्डेको ७७ औं जन्मजयन्तीका अवसरमा आज आयोजित कार्यक्रममा हरेक वर्षको जनवरी ८ तारेकलाई हस्पिटलले वयोधा केयर डे का रुपमा मनाउने घोषणा गरेको छ । सो अवसरमा वक्ताहरुले डा. पाण्डेको काम र विध्वतालाई सम्झेका थिए । डा. पाण्डे एक असल चिकित्सक भएको अस्पतालका कार्यकारी प्रमुख रवि चौधरीले बताउनुभयो । डा. प्रकाश राज पाण्डे, डा. राम नाथ सिंहलगायतका चिकित्सकहरुले डा. पाण्डे चिकित्सक मात्र नभएर एक असल गुरु भएको सम्झना गरेको थिए । वयोधा केयर डे का अवसरमा डा. पाण्डेकी छोरी संगीता पाण्डेले अस्पतालमा उत्कृष्ठ काम गरेका एक दर्जन कर्मचारीलाई सम्मान स्वरुप कदर पत्र प्रदान गर्नुभएको थियो । डा. पाण्डे सैनिक अस्पतालका वरिष्ठ फिजिसियन हुनुहुन्थ्यो । त्रिचन्द्र मेलिटरी अस्पतालमा सन् १९७७ मा डा. पाण्डेले नेपालमा पहिलोपटक इन्डोस्कोपी सेवा शुरु गर्नुभएको थियो । उहाँको दुवै मिर्गौला फेल भएर केही महिना अघि निधन भएको थियो ।
