थाहा नपाका जनप्रतिनिधिहरू १५ शय्याको अस्पताल सञ्चालन गर्न हतारिएका छन् तर वजेट अभावले समस्या भएको नपाले जनाएको छ । ‘त्रिभुवन राजपथसँग जोडिएको स्वास्थ्य केन्द्रलाई १५ शय्याको अस्पतालको रूपमा परिणत गर्नुपर्ने आवश्यकता छ,’ थाहा नपाका मेयर विष्टले भने, ‘जटिल रोगबाहेक अन्य रोगका यहीँ नै उपचार हुने अवस्था सिर्जना गर्नुपर्ने छ ।’ उक्त स्वास्थ्य केन्द्रमा रहेको प्रयोगशालामा रगत, दिसा, पिसाब नि:शुल्क रूपमा विगतदेखि नै परीक्षण गरिन्छ । यो व्यवस्था थाहा नपाले मिलाएको हो ।