महाराजगञ्ज नर्सिङ क्याम्पसमा आर्थिक अनियमितता भएको भन्दै अख्तियारमा उजुरी
२०८०, ९ जेष्ठ मंगलवार १३:१४ मा प्रकाशित
204
Shares
जनस्वास्थ्य सरोकार, काठमाडौं । त्रिभुवन विश्वविद्यालयअन्तर्गतको महाराजगञ्ज नर्सिङ क्याम्पसमा अनियमितता भएको भन्दै अख्तियारमा उजुरी परेको छ।
नेकपा (एमाले) निकट विद्यार्थी संगठन अनेरास्ववियुले महाराजगञ्ज नर्सिङ क्याम्पसका प्रमुख प्राध्यापक मुना रानाले क्याम्पसको करिकुलम कोर्सको हिमालयन बैंकमा रहेको करिब ११ लाख ८० हजार रुपैयाँ रकम आफ्नो व्यक्तिगत खातामा सारेर आर्थिक अनियमितता गरेको भन्दै अख्तियारमा उजुरी दिएको हो ।
क्याम्पस प्रमुख रानाले स्ववियु कोष र पाठ्यक्रम विकास कोषको रकम हिनामिना गरी आफूलाई लाभ र सार्वजनिक संस्थालाई हानी पुर्याउने गरेको आरोप उजुरीमा लगाइएको छ।
