क्यान्सर बिजेता सञ्जुको मार्मिक कविताः माया, साथ, हौसला र हिम्मत चाहिन्छ क्यान्सरलाई
सुनिदेउ न ए सरकार यसबाट सबै बच्नुछ
२०८०, २२ माघ सोमबार १५:४५ मा प्रकाशित
आधि जीवन बितिसक्यो, आधि जीवन बाँकी थियो ।
रमाउँदै हाँस्दै खेल्दै, सुन्दर जीवन बित्दै थियो ।।
२०७६ सालमा क्यान्सरले, नक नक आवाज दियो ।
अब मरिन्छ कि क्या हो, भन्ने डरले सताई रह्यो ।।
यसलाई हराउने, झिनो आशा पलाइरह्यो ।
प्रविधि र डाक्टर हौसलाले, बाँच्ने आधार बढाइरह्यो ।।
एक्काइस दिनमा जीवन बाँच्न दुई वटा अपरेशन भयो ।
अव त बाँचिन्छ कि भन्ने झिनो आशा पलाइरह्यो ।।
घाउको दुखाइ, मनको दुखाइ छटपट पार्दै थियो ।
श्रीमान् र बच्चाको अनुहारले, बाँच्ने हौसला बढाइदियो ।
यसरी नै समय बित्यो, घाउ निको हुँदै थियो ।
तीस दिनको रेडिएसन, घर फर्किने खुशी बढ्दै थियो ।।
माया, साथ, हौसला र हिम्मत चाहिन्छ क्यान्सरलाई ।
यसरी नै हातेमालो गर्दै अघि बढ्नुपर्छ जित्नलाई ।।
क्यान्सर भन्ने केही रहेनछ बस डर मात्र हो ।
यसलाई मनैबाट निकाल्ने तपाई हामी पात्र नै हो ।।
पहिलो वास घर थियो, दोस्रो बास अस्पताल ।
डाक्टरले दिए नयाँ जीवन, उनै हुन भगवान ।।
साथीहरु भन्नुहुन्छ, हामीलाई महँगो रोग लागेछ ।
सुनिदेउ न ए सरकार यसबाट सबै बच्नुछ ।।
(पराजुली सिन्धुलीको दुधौली नगरपालिका वडा नम्बर २ हतपते स्वास्थ्य चौकी राँगेमा कार्यरत हुनुहुन्छ ।)
