नेपाल हेल्थ न्युज, काठमाडौं । नेपाल खाद्य तथा न्युट्रास्युटिकल कस्मास्युटिकल एसोसिएसन (फ्यानक्यान) ले नवनियुक्त स्वास्थ्य तथा जनसंख्या मन्त्री प्रदिप यादवलाई बधाइ एवं सफल कार्यकालको शुभकामना व्यक्त गरेको छ ।
नवनियुक्त स्वास्थ्य तथा जनसंख्या मन्त्री प्रदिप यादवलाई बधाई र शुभकामना दिँदै फ्यानक्यानका पदाधिकारीहरु
फ्यानक्यानको केन्द्रिय समितिका अध्यक्ष सुरेन्द्र मानन्धरको नेतृत्वमा स्वास्थ्य तथा जनसंख्या मन्त्रालयमा पुगी मन्त्री यादवलाई बधाइ एवं सफल कार्यकालको शुभकामना व्यक्त गरेको हो । सो अवसरमा फ्यानक्यानका उपाध्यक्ष द्धय दिपेश जंग शाह र भिम विष्ट, महासचिव गौरवकुमार श्रेष्ठ, कोषाध्यक्ष प्रदिप महतो, सचिव गोपाल जिसी, सदस्यहरु प्रतिक शाही, भुवन जोशी, फ्यानक्यान वीरगञ्ज शाखाका महासचिव शिवजी यादव र सल्लाहकार विजय उपाध्यायको उपस्थिति रहेको थियो ।
मन्त्री यादव अशोक राई नेतृत्वको जनता समाजवादी पार्टीका सांसद हुनुहुन्छ। उहाँ पर्सा १ बाट निर्वाचित सांसद हो । जनता समाजवादी पार्टीका सचिवसमेत रहेका यादवलाई प्रधानमन्त्री पुष्पकमल दाहालको सिफारिसमा हिजो राष्ट्रपति रामचन्द्र पौडेलले स्वास्थ्य मन्त्रीमा नियुक्त गर्नुभएको थियो । जनता समाजवादी पार्टी नेपालका अध्यक्ष उपेन्द्र यादवले स्वास्थ्यमन्त्रीबाट राजीनामा दिँदै सरकारलाई दिएको समर्थन फिर्ता लिएपछि मन्त्री पद रिक्त थियो।
