डा. केसीको समर्थनः काठमाडौंमा विशाल जुलुस
२०७४, २८ श्रावण शनिबार ११:२६ मा प्रकाशित
0
Sharesमेडिकल शिक्षा सुधारका लागि भनेर २० दिनदेखि आमरण अनसनरत चिकित्सक डाक्टर गोबिन्द केसीको मागको समर्थनमा काठमाडौंमा विशाल प्रदर्शन गरिएको छ । काठमाडौंको माइतिघरमा जम्मा भएर गरिएको सो प्रदर्शनीका सहभागीहरुले भ्रष्टाचारी सकुशल घरमा, डा. केसी हावाको भरमा, सरकारको भुटुनमा माफियाको तरकारी, ६०१ लाई भत्ता, चिकित्सा ऐन वेपत्ता जस्ता नारा लेखिएका प्ले कार्ड बोकेका थिए ।
प्रदर्शनका क्रममा ६०१ सांसद मेडिकल माफियाको चंगुलमा परेको देखाइएको थियो । त्यसका लागि माफिया लेखिएको कार्ड भिरेका एक सहभागीले डोरीले तानेका थिए । प्रदर्शनी नयाँ बानेश्वर पुगेर कोणसभामा परिणत भएको थियो ।
