डा.केसीको स्वास्थ्य अवस्था नाजुक,सहमति नभए सबैभन्दा लामो अनशन
२०७४, ३० श्रावण सोमबार ०८:३५ मा प्रकाशित
चिकित्सा शिक्षा सुधारको माग राख्दै ११ औं पटक अनसनमा बसेका डा. गोविन्द केसीको स्वास्थ्य अवस्था एकदमै नाजुक बनेको छ ।
विगत २२ दिनदेखि अनशनरत डा.केसीको स्वास्थ्य अवस्था नाजुक बनेको बताँउनु हुदै चिकित्सकहरुले श्वास प्रशवासमा समस्या देखिन थालेको बताउनु भएको छ । मुटुको चालमा समेत उतार—चढाव आएको भन्दै चिकित्सकहरुले उहाँको मुटुको गति प्रतिमिनेट २ सय भन्दा बढी पुगेको बताउनु भएको छ ,उहाँलाई चौबीसै घण्टा अक्सिजन दिएर राखेका छौं । भेण्डिलेटरसमेत तयारी अवस्थामा राखिएको छ ।
डा.केसीको अवस्था नाजुक बन्दै जाँदा सरकारी पक्ष र डा.केसीका प्रतिनिधि बीच सम्झौता भने हुन सकेको छैन । सरकारी पक्ष र डा.केसीका प्रतिनिधि बीच सोमबार भएको वार्ता सफल हुन सकेन् । प्रधानमन्त्री शेरबहादुर देउवाले डा.केसीका मागहरु पुरा गर्नका लागि आवश्यक गृहकार्य गरे ता पनि त्यसले सफलता प्राप्त गर्न सकेको छैन ।
अनशन २२ औं दिनमा आइपुगेको छ यसअघिको दशौ अनशनमा डा.केसीले २२ दिन बिताउनु भएको थियो । जुन कार्तिक २८ गते सुरु भएर मंसिर १९ गतेसम्म चलेको थियो । यदि आज सरकारी पक्ष सँग सहमति नभएको खण्डमा यसअघि अनशन बसेको सबै रेर्कडहरु तोड्निे छन् । त्यस्तै सहमति नभएको खण्डमा भने यो सबैभन्दा लामो अवधिको अनशन हुने छ ।
