रहनुभएन प्रा.डा. गोविन्द शर्मा
२०७४, १ चैत्र बिहीबार ०७:४८ मा प्रकाशित
त्रिभुवन विश्वविद्यालयका पूर्व उपकुलपति एवं त्रिवि शिक्षण अस्पतालका पूर्व निर्देशक वरिष्ठ मुटु शल्यचिकित्सक प्रा.डा. गोविन्द शर्माको ७५ वर्षको उमेरमा निधन भएको छ ।
रुसको पिटर्सवर्गमा कार्यरत चिकित्सक छोरी तानियालाई भेट्न दुई महिनाअघि रुस जानुभएका प्रा.डा.शर्माको बुधबार राति ९ बजे निधन भएको थियो ।
बि. सं. २०६८ सालमा कलेजोले काम गर्न छाडेपछि उहाँकी भान्जी शान्ता दाहालले कलेजो दान गरी प्रा.डा.शर्मालाई कलेजो प्रत्यारोपण गरिएको थियो । तर कलेजोमा पुन समस्या देखिएपछि केही समयदेखि उहाँ पुनः कलेजो रोगबाट पीडित हुनुहुन्थ्यो ।
कलेजो प्रत्यारोपण गर्दा नै चिकित्सकले थप तीन वर्षमात्रै प्रत्यारोपण गरिएको कलेजोले काम गर्ने बताएका थिए । तर करिब ६ वर्ष कलेजोले काम गरेको थियो । प्रा.डा.शर्माको निधनतप्रति जनस्वास्थ्य सरोकारले दुख व्यक्त गर्दै हार्दिक श्रद्धाञ्जली अर्पण गरेको छ ।