Logo
|
Tuesday 28th May 2024
Logo

epaper

काठमाडौं जिल्लाका औषधि पसलहरुमा लागू र मनोद्धिपक औषधीको गैर कानुनी कारोबारः औषधि व्यवस्था विभाग र लागू औषध नियन्त्रण व्यूरोको छापा

नेपाल औषधी व्यवसायी संघ काठमाण्डौ जिल्ला शाखाको एक्यबद्धता



नेपाल हेल्थ न्युज, काठमाडौं । काठमाण्डौ जिल्लाभित्र सञ्चालित औषधि पसलहरुमा लागू र मनोद्धिपक औषधको कारोबार बढेको छ । कतिपय औषधि पसलहरुले औषधी व्यवस्था विभागले जारी गरेको सूचनाहरुको पालना गरेका छैनन् ।

औषधि व्यवस्था विभाग र लागूऔषध नियन्त्रण ब्युरोले गरेको औषधी व्यवसायीहरुको मर्यादा विपरित कार्यहरूको पर्दाफाश गर्न अहम् भूमिका निर्वाह गरेको भन्दै औषधि व्यवसायी संघ जिल्ला शाखा काठमाडौंले एक्यबद्धता जारी गरेको छ । यस कार्यको सम्बन्धित निकायसँग हातेमालो गरी व्यावसायिक शुद्धीकरणको लागि हरपल साथ दिन तयार रहेको जिल्ला शाखा अध्यक्ष शंकर महर्जनले बताउनुभयो ।


सम्पूर्ण औषधीहरु लगायत लागू तथा मनोद्विपक औषधीहरु आधिकारिक विक्रेताबाट मात्र खरिद र बिक्री गर्न शाखाले अनुरोध छ । अनधिकृत व्यक्तिबाट खरिद नगर्न पनि संघले सुसूचित गरेको छ ं। लागू तथा मनोद्विपक औषधीहरुको सन्दर्भमा खरिद तथा बिक्री गर्दा अनिवार्य रुपमा अभिलेख राखी विक्री वितरण गर्नुपर्ने अध्यक्ष महर्जनको भनाइ छ ।


हस्पिटल फार्मेसीबाट विक्रीवितरण गर्ने भनी तोकिएको औषधी कम्युनिटी फार्मेसीमा राखी बिक्री वितरण नगरिदिन पनि शाखाले अनुरोध गरेको छ ।


औषधी व्यवस्था विभाग वा अन्य निकायबाट गरिने अनुगमन औषधि ऐन २०३५को दफा २२ र २३ मा प्रष्ट उल्लेख छ । अनुगमन टोलीको सदस्यहरुलाई मर्यादित, संयमित र आतङ्करहित वातावरणमा अनुगमन गर्न अनुरोध गरिएको छ ।

अनुगमनका क्रममा कहीं कतै हुने गरेका अमर्यादित, असान्दर्भिक र अभद्र व्यवहारको नेपाल औषधी व्यवसायी संघ, काठमाडौं जिल्ला शाखाले घोर भत्र्सना गरेको छ । र अनुगमन गर्ने क्रममा स्वच्छ छवि भएका व्यवसायीहरुको मानमर्दन हुने र सामाजिक प्रतिष्ठामा आँच आउने गरी गरिने अनुगमन आजैका दिनदेखि रोक्न अवगत गराइएको शाखाका महासचिव शुभमान श्रेष्ठ बताउनुुहुन्छ ।

समाजमा नकारात्मक असर पर्ने गरी व्यावसायिक मर्यादा विपरीत सञ्चालनमा आएका औषधि पसलको नाममा मानव जीवनसँग खेलवाड गर्न थालेका छन् । ठगी धन्दा गर्ने गलत प्रवृत्ति भएका केही व्यक्तिहरूलाई निरुत्साहितका साथै असल र कुशल व्यवसायीहरुलाई प्रोत्साहन गर्न सकेमा व्यवसायी र सम्बन्धित निकाय बीच सौहार्दपूर्ण वातावरण सृजना हुने महासचिव श्रेष्ठको भनाइ छ । पब्लिक प्राइभेट पार्टनरसिको अवधारणामा अघि बढी समृद्ध नेपाल, स्वस्थ जनताको लक्ष्य पूरा गर्न सहज हुने आज जारी विज्ञप्तिमा उल्लेख छ ।

प्रतिक्रिया दिनुहोस्