चिकित्सा शिक्षा अध्यादेश संसदबाट पास
२०७४, २० चैत्र मंगलवार १४:५७ मा प्रकाशित
0
Shares
प्रतिनिधिसभाकोआजको बैठकले राष्ट्रिय चिकित्सा शिक्षा अध्यादेश २०७४ पास गरेको छ। शिक्षा मन्त्री गिरिराजमणि पोखरेलले पेश गरेको ‘राष्ट्रिय चिकित्सा शिक्षा अध्यादेश २०७४’ बहुमतले पारित भएको हो ।
गत आइतबार संसदमा दर्ता भएको चिकित्सा शिक्षा अध्यादेश २०७४ को बारेमा नेपाल मजदुर किसान पार्टीका सांसद प्रेम सुवालले विरोध प्रस्ताव दर्ता गरेका थिए।
सुवालले राखेको फरक मत भने अस्वीकृत भएको छ ।
सांसद प्रेम सुवालले अध्यादेशमा काठमाडौं उपत्यकामा १० वर्ष खोल्न नदिने, निजी मेडिकल कलेज खारेज हुनुपर्ने, एमबिबिएसका लागि ३ सय शैय्या र नर्सिङमा पनि १०० शैय्या हुने, ५ भन्दा बढी कलेजलाई सम्बन्धन दिन नपाउनेलगायतका विशेषमा फरक मत राखेका थिए ।
शिक्षा मन्त्री गिरिराजमणि पोखरेलले अध्यादेशमा भएका कमजोरी प्रतिस्थापन विधेयकमा सच्याउन सकिने भन्दै पास गर्न प्रस्ताव गरेका थिए ।