सत्तारुढ नेकपा कम्युनिष्ट पार्टी (नेकपा) का नेता योगेश भट्टराईले मापदण्ड विपरित संचालित मेडिकल कलेज खारेज गर्न सरकारसँग माग गरेका छन् । उनले सरकारी तथा निजी क्षेत्रमा संचालित मेडिकल कलेज छानविन गरी मापदण्ड विपरित रहेका कलेज तत्काल खारेज गर्न सरकार माग गरेका हुन् ।

सोमबार काठमाडौंमा आयोजित कार्यक्रमा बोल्दै नेता भट्टरार्इले निजी क्षेत्रबाट संचालित शिक्षा र स्वास्थ्य संस्था बन्द गर्ने तयारीमा सरकार रहेको स्पष्टसमेत पारेका थिए । उनले सबै नागरिकको शिक्षा र स्वास्थ्य दायित्व लिन सरकार प्रतिवद्ध रहेको दाबी गरेका थिए ।

वर्षौ समानताको हकका लागि लडेको आफ्नो पार्टी नेतृत्वको सरकारले शिक्षालाई निःशुल्क र अनिवार्य बनाउनेमा शंका गर्न नहुने उनको तर्क छ । नेता भट्टराईले मौलिक हकमा रहेको शिक्षाको उचित व्यवस्था गर्न ढिलाई नहुने विश्वास राखेका थिए । नयाँ पत्रिका