मुख्यमन्त्री जनता स्वास्थ्य परीक्षण कार्यक्रम सुरु
२०७६, २४ बैशाख मंगलवार ०४:३८ मा प्रकाशित
0
Shares
मुख्यमन्त्री जनता स्वास्थ्य परीक्षण कार्यक्रम सिन्धुलीबाट सुरु भएको छ । सिन्धुली अस्पतालमा विशेष कार्यक्रम गरी आइतबार कार्यक्रमको शुभारम्भ गरिएको हो । कार्यक्रमले विषेश गरी अति विपन्न, सीमांकृत, लोपोन्मुख, शसस्त्र द्वन्द्वका घाइते, सहिद तथा बेपत्ता परिवार, दलित तथा महिला स्वास्थ्य स्वयं सेविकाको स्वास्थ्य परीक्षणलाई प्राथमिकता दिएको छ ।कसरी लिने सुविधा ?
कार्यक्रमअन्तर्गत स्वास्थ्य जाँच गर्न चाहेमा लक्षित समूहबाहेकले दुई हजार दुई सय रुपैयाँ खर्च गर्नुपर्नेछ । सो कार्यक्रमअन्तर्गतको परीक्षणमा १६ वटा जाँच गरिनेछ । उपचार सेवा लिन आउने नागरिक वडाध्यक्षको सिफारिस पत्रसहित निर्धारित अस्पतालमा जानुपर्छ । कार्यक्रमको उद्घाटन संघीय सांसद तथा पूर्वकृषिमन्त्री हरिबोल गजुरेलले गरे । सो अवसरमा गजुरेलले जंगफुड बेचेर बिरामी बढाउने र अस्पताल खोल्ने अभियानमा लाग्नुभन्दा स्वास्थ्यसम्बन्धी ज्ञान दिनु उपयुक्त हुने बताए । नयाँ पत्रीकाबाट
