आयुर्वेद केन्द्र बजेट अभाव झेल्दै
२०७६, १० जेष्ठ शुक्रबार १२:१४ मा प्रकाशित
0
Shares
केन्द्रमा दम, श्वासप्रश्वास, मधुमेह, अम्लपित्तजस्ता रोगले थलिएर एलोपेथिक उपचार पद्धतिबाट दिक्क भएका ज्येष्ठ नागरिक र बच्चालाई दूध चुसाउने महिलाका लागि छुट्टै बजेट र कार्यक्रम रहेको कविराज निरीक्षक झाले बताए । ज्येष्ठ नागरिक र महिलासहित केन्द्रमा उपचार गर्न आउने नाम दर्ताको १० रुपैयाँबाहेक सबै उपचार निःशुल्क हुने र उपचार पनि प्रभावकारी हुने भएकाले दिनहुँ बिरामीको संख्या बढिरहेको उनले जानकारी दिए ।
‘औषधिका लागि बजेट बढाउन पटक–पटक विभागलाई गुहार्यौँ, तर सुनुवाई हुन सकेन,’ प्रमुख डा. ठाकुरले भने । केन्द्रमा थप बजेट नहुँदा प्रयोगशाला, शरीर शुद्धीकरणका लागि पञ्चकर्म र बिरामीको संख्याअनुसार १० शय्याको अन्तरंग विभाग सञ्चालन गर्न नसकेको उनले गुनासो गरे । ‘दैनिक आउने अम्लपित्त, बाथ, पाइल्स, महिलाको सेतो पानी बग्ने, श्वासप्रश्वासका बिरामीको जाँच गरी न्यूनतम औषधि दिएर पठाउने गरेका छौँ,’ उनले भने । केन्द्रमा सिरहा सदरमुकाम र वरिपरिका गाउँसहित पूर्वी धनुषा र छिमेकी मुलुक भारतको सीमावर्ती बजार जयनगर, कमलावाडीबाट पनि बिरामी आउने गरेका छन् । नयाँ पत्रीकाबाट