कान्ति बाल अस्पतालमा भाेलिदेखि ‘इन्टरमिडियट’ सेवा
२०७६, १ भाद्र आईतवार ११:३२ मा प्रकाशित
0
Shares
कान्ति बाल अस्पतालले बच्चाको दैनिक मृत्युदर घटाउन ‘इन्टरमिडियट’ सेवा सञ्चालनमा ल्याउने तयारी गरेको छ। सोमबारदेखि आठ शय्याबाट यो सेवा शुरु हुनेछ।
उपचारका लागि आएका बढी बालबालिका बचाउने लक्ष्यअनुसार इन्टरमिडियट अर्थात् ‘पिङ्कु’ सेवा सञ्चालन गर्न लागेको अस्पतालका निर्देशक डा. आरपी बिच्छाले बताए।
आईसियू अभावमा अस्पतालले दैनिक कम्तीमा १० बालबालिका अन्यत्र ‘रिफर’ गर्दै आएको छ। यो सेवा सञ्चालनसँगै कान्तिमा ५० प्रतिशत समस्या समाधान हुने अपेक्षा गरिएको छ ।
५० शय्या आईसीयू सेवा भए पनि अस्पतालले कर्मचारी अभाव रहेकाे भन्दै ३० शय्या मात्र सञ्चालन गर्दै आएको छ। अस्पतालले तीन वर्षअगाडि कर्मचारी अभावका कारण देखाउँदै पिङ्कु सेवा बन्द गरेको थियो ।