बारा र पर्सामा थप एक सय ५६ जना कोरोना संक्रमण पुष्टि
२०७७, ७ भाद्र आईतवार १३:०४ मा प्रकाशित
0
Shares
जनस्वास्थ्य सरोकार, काठमाडौँ । पछिल्लो २४ घण्टामा बारा र पर्सामा थप एक सय ५६ जना कोरोना संक्रमण पुष्टि भएको छ ।
शनिबार राती नारायणी अस्पतालको प्रयोगशालामा गरिएको परीक्षणमा बाराका ११ र पर्सामा एक सय ४५ जनामा कोरोना संक्रमण पुष्टि भएको हो ।
नारायणी अस्पतालका डा. उदय नारायण सिंहले नेपाली सेना, सशस्त्र प्रहरी, चिकित्सकसहित १ सय ५६ जनामा कोरोना संक्रमण पुष्टि भएको जानकारी दिनुभयो ।
संक्रमित हुनेहरुमा जिल्ला प्रहरी कार्यालय पर्साका प्रहरी, भवानी हस्पिटल, नेशनल मेडिकल कलेजका स्वास्थ्यकर्मी रहेका छन् ।
योसँगै पर्सामा हालसम्म संक्रमित हुनेको संख्या एक हजार नौ सय ३५ पुगेको छ । पर्सामा कोरोनाबाट २८ जनाले ज्यान गुमाएका छन् ।
