Logo
|
Sunday 24th October 2021
E-paper Magazine

ज्येष्ठ नागरिकलाई दोस्रो मात्र खोपको माग गर्दै सर्वोच्च अदालतमा रिट



जनस्वास्थ्य सरोकार, काठमाडौँ । ज्येष्ठ नागरिकलाई कोरोना भाइरस विरुद्धको दोस्रो मात्र खोपको माग गर्दै सर्वोच्च अदालतमा रिट दायर भएको छ ।
कोभिशिल्ड खोप लगाएका साढे १३ लाख ज्येष्ठ नागरिकलाई यथाशीघ्र दोस्रो मात्रा खोप लगाउन आदेश माग गर्दै सर्वोच्च अदालतमा रिट परेको हो ।


ज्येष्ठ नागरिक चिरञ्जीवि बास गिरी सोमबार रिट लिएर सर्वोच्च अदालत पुग्नुभएको छ । उहाँको रिटमा मंगलबारका लागि पेशी तोकिएको सर्वोच्च अदालतका एक अधिकारीले जानकारी दिनुभयो ।


फागुन २३ गतेदेखि चैत ३ गतेसम्म सञ्चालित अभियानमा देशभरका ६५ वर्षमाथिका ज्येष्ठ नागरिकलाई भारतीय कम्पनी सेरम इन्ष्टिच्युटले विकास गरेको कोभिशिल्ड नामको कोरोना खोप दिइएको थियो ।

तर १२ हप्ताभित्र दोस्रो डोज खोप दिनुपर्ने भए पनि पहिलो डोज खोप लगाएका साढे १३ लाख ज्येष्ठ नागरिकले दोस्रो डोज खोप पाएका छैनन् ।
ज्येष्ठ नागरिकलाई जेठ १५ गतेसम्म दोस्रो डोज खोप दिनुपर्नेमा अहिलेसम्म नदिएकाले ज्येष्ठ नागरिकको हकलगायतका मौलिक हक उल्लंघनको विषय लिएर सर्वोच्चमा रिट दिएको रिट निवेदनका लागि सहयोग गरेका अधिवक्ता कीर्तिनाथ शर्मा पौडेलले बताउनुभयो ।

प्रतिक्रिया दिनुहोस्