नेपाल चिकित्सक संघको चौथो राष्ट्रिय हेल्थ समिट काठमाडौंमा शुरु
२०८१, २८ मंसिर शुक्रबार १०:४२ मा प्रकाशित
54
Sharesनेपाल हेल्थ न्युज, काठमाडौं । नेपाल चिकित्सक संघको दुई दिने चौथो राष्ट्रिय हेल्थ समिट आजबाट काठमाडौंमा शुरु भएको छ । बबरमहलस्थित कार्की व्याक्वेटमा भएको सम्मेलन शनिबारसम्म जारी रहने छ ।
नेपाल चिकित्सक संघले प्रत्येक वर्ष वार्षिक क्यालेण्डर इभेन्टको रुपमा आयोजना समिटको आयोजना गर्दै आएको छ ।
सम्मेलनमा स्वास्थ्य तथा जनसंख्या मन्त्रालय र अन्य मन्त्रालयहरु लगायत विभिन्न सरोकारवाला सरकारी तथा गैरसरकारी निकायहरुसँग छलफल गरी दिगो विकास लक्ष्यतर्फ अग्रसर हुन एकीकृत रणनीति बनाउने नेपाल चिकित्सक संघका महासचिव सञ्जिव तिवारीले जानकारी दिनुभयो ।
सम्मेलनमा प्रस्तुत गरिएका कार्यपत्र, छलफल र निचोडलाई एकीकृत गरी रणनीतिमूलक नीतिगत सुझाव गत बर्षझैं नेपाल सरकार, स्वास्थ्य तथा जनसंख्या मन्त्रालय लगायत देशभरका सरोकारवाला निकायमा सम्प्रेषण गरिने छ ।
