बाढीपीडितको लागि निःशुल्क प्रजनन स्वास्थ्य शिविर
२०७४, २१ भाद्र बुधबार १०:०८ मा प्रकाशित
0
Shares
नेपाल परिवार नियोजन सङ्घ सप्तरी शाखाले स्थानीय सकरपुरामा बाढीपीडितका लागि तीनदिने निःशुल्क प्रजनन स्वास्थ्य शिविर गरेको छ ।
शाखाको आयोजना तथा जिल्ला जनस्वास्थ्य कार्यालयको सहयोगमा सञ्चालित सो शिविरमा ५५६ महिला तथा बालबालिकाको उपचार गरिएको थियो । शिविरमा डा सञ्जीव झाको नेतृत्वमा डा पुष्पा चौधरीसहित तीनजना महिला विशेषज्ञ सहभागी थिए ।
शिविरमा सरसफाइसम्बन्धी जनचेतनाका साथै सुत्केरीसामग्रीसमेत वितरण गरिएको सङ्घका सभापति अजितकुमार मिश्रले जानकारी दिनुभयो । रासस
