प्रधानमन्त्रीको उचार मनमोहन कार्डियोमा हुँदै, अवस्था सामान्य भएको जानकारी
२०७५, १२ कार्तिक सोमबार ०४:२४ मा प्रकाशित
0
Shares
त्रि.वि.शिक्षण अस्पतालस्थित मनमोहन कार्डियोभास्कुलर एण्ड ट्रान्सप्लान्ट सेन्टरमा उपचाररत प्रधानमन्त्री केपी शर्मा ओलीको स्वास्थ्य अवस्था सामान्य भएको जनाइएको छ ।
केही समयदेखि अस्वस्थ्य हुनुभएका प्रधानमन्त्री ओलीको स्वास्थ्यमा थप समस्या देखिएपछि अस्पताल भर्ना गरेर उहाँको उपचार भइरहेको छ । स्वास्थ्य परीक्षणका लागि प्रधानमन्त्रीलाई अस्पताल लगिएको र उहाँको स्वास्थ्य अवस्था जटिल नभएको प्रधानमन्त्रीका प्रेस सल्लाहकार कुन्दन अर्यालले बताउनुभएको छ ।
प्रधानन्त्री ओलीको उपचारमा वरिष्ठ मुटु रोग विशेषज्ञ प्रा.डा. अरुण सायमी, वरिष्ठ नेफ्रोलोजिष्ट प्रा.डा. दिव्या सिंह, छाति रोग विशेषज्ञ डा. सन्तदासलगायतका टिम संलग्न हुनुहुन्छ । प्रधानमन्त्री ओलीलाई १—२ दिन अझै अस्पतालमा राखेर उपचार गर्नुपर्ने चिकित्सकहरुले बताएका छन् ।
